Li nahiya Amirlî ya bajarê Xurmatû di êrişa terorîstên DAIŞê de herî kêm sivîlek hat kuştin.

Terorîstên DAIŞê îro li nehiya Amirlî ya Xurmatûyê êrişî hêzên Heşda Şeibî û wan welatiyan kirin ku dixwastin termên kuştiyên xwe ji ber gola Zerge bibin.

Li gorî agahiyan, di wê êrişê de herî kêm sivîlek hat kutşin û yek jî birîndar bû. Nayê zanîn di wî şerî de kuştî û birîndarên Heşda Şeibî hene yan na. 

Duh jî terorîstên DAIŞê li ber gola Zerge êrişî komek masîgiran kiribûn, 2 kes ji wan kuştibûn û 3 kes jî birîndar kiribûn.

Piraniya xelkê Amirlî turkmenên şîe ne.