Konseya Ewlekariya Navdewletî duh duşemê hewla kuştina Serokwezîrê Iraqê Mistefa Kazimî şermezar kir.

Di daxuyaniyeke rojnamevanî de 15 endamên Konseya Ewlekariya Navdewletî ragihand; bi awayê herî tund, êrîşkirina ser mala Mistefa Kazimî şermezar dikin.

Herwiha hat diyarkirin ku divê lêpirsîn li ser rêkxer û piştevan û çavdêrên vê kiryara terorîstî were kirin û kesên ev kar kirine, werin dadgehîkirin.

Roja yekşemê 7ê Mijdara 2021ê bi rêya firokeyeke bêfirokevan, êrîşî ser mala Serokwezîrê Iraqê Mistefa Kazimî hat kirin.

Êrîş û hewla kuştina Mistefa Kazimî li ser asta navxwe û navdewletî karvendanên mezin li pey xwe anî û hat şermezarkirin.