Şaneya Ragihandinê ya hêzên ewlekariya Iraqê, duh ragihand ku di encama êrişên hewayî li Kerkûkê de 6 terorîstên DAIŞ'ê hatine kuştin.

 Ajansa Nûçeyan a Iraqê (INA) ragihand ku di daxuyaniya Şaneya Ragihandinê ya hêzên ewlekariyê de hat zanîn ku hêzên ewlekariyê liv û tevgera çeteyên DAIŞ'ê şopandine.

Her wiha di daxuyaniyê de hate gotin, piştî êrişa çeteyên DAIŞ`ê li ser nuqteyeke lîwayê 20`an a girêdayî polîsên Iraqê li Kerkûkê, hêzên wan bi balafirên keşfê herêm şopandin.

Di daxuyaniyê de hate diyarkirin balafirên keşfê cihê çeteyên DAIŞ`ê bombebaran kir û di encamê de, 6 terorîstên DAIŞ`ê hatin kuştin.