Şeva borî terorîstên DAIŞê li deşta Uzêm a ser bi Xaneqînê êrîşî ser hêzên Iraqê kir û ziyanên mezin gihandin cotyaran û efserekî hêzên Iraqê jî birîndar bû.

Berdevkê polîsê Diyale Nîhad Mihemed ji BasNewsê re ragehand: ‘’Şeva borî 19.04.2021ê terorîstên DAIŞê li gundên Hetawîn a ser bi deşta Uzêm êrîşî hêzên artêş û Heşdî Eşîretan kirin.’’

Herwaha got: ‘’Di êrîşê de efserekî artêşê birîndar bû, heman demê de ziyaneke mezin gihêşt amûrên taybet ên veguhestina ava bîrê ya cotkaran û zeviyên çandiniyê ziyanên mezin dîtin.’’

Nîhad Mihemed got: ‘’Piştî gihêştina hêza piştevan ji artêş û eşîretên sunne re çekdarên DAIŞê reviyan.’’

Deşta Uzêm hemsînorê bajarokê Qeretepe ya ser bi bajarê Xaneqîn û bajarê Xurmatû ye.