Duh 27.12.2020ê li sînorê nahyeya Şiwan a ser bi parêzgeha Kerkûkê terorîstekî ser bi DAIŞê ji aliyê saziya îstixbarata Iraqê ve hate girtin.

Cîgirê rêveberê polîsê Kerkûkê Elî Muteşer ji BasNewsê re ragehand: ‘’Îro li sînorê nahyeya Şiwan a ser bi parêzgeha Kerkûkê terorîstekî mezin ê DAIŞê ji aliyê hêzên saziya îstixbarata Iraqê ve hate girtin.’’

Herwaha got: ‘’Ew terorîste li gor madeya 4 a terorê li qanûna cezayê Iraqê biryar girtina wî hebû, herwaha li sînorê Kerkûkê û Nînowa serpereştiya grubên DAIŞê kiriye, herwaha di gelek operasyon û êrîşên terorîstî yên DAIŞê de beşdar bûye.’’

Cîgirê rêveberê polîsê Kerkûkê got: ‘’Piştî kom kirina zanyariyan li ser wî terorîstê mezin di mala xwe de hate girtin.’’