Wezareta Tendirustiyê ya Iraqê ragihand; li Iraqê di 24 saetên bûrî de ji ber vîrûsa koronayê (Covid-19) 90 kesan jiyana xwe ji dest dan.

Li gor daxuyaniya Wezareta Tendirustiyê ya Iraqê, di 24 demjimêrên bûrî de li Iraq û Herêma Kurdistanê 90 kesan canê xwe ji dest dane û 3 hezar û 651 kes bi vîrûsa koronayê ketine.

Herwiha Wezareta Tendirustiyê ya Iraq eşkere kiriye; heta niha 260 hezar û 370 kes li Iraqê bi vîrûsa koronayê ketine 7 hezar û 512 kesan canê xwe ji dest dane.

Wezareta Tendirustiya Iraqê diyar jî kiriye di 24 saetên bûrî de 3301 kes ji Koronayê baş bûne û bi vî awayî hejmara kesên baş bûne gihîşt 198 hezar û 560 kesan.