Berdevka hevpeymaniya Nesir ku Heyder Ebadî serokatiya wê dike, rêkeftina her du hikûmetên herêma Kurdistanê û Iraqê li ser bingehê destûrê giring nirxand.

Berdevka hevpeymaniya Nesir, Ayat Muzefer Nûrî ji BasNewsê re ragehand: ‘’Em geşbînin ku pêngavên cîdî di navbera Hewlêr û Bexdayê de bo rêkeftina yekcarî û çareser kirina pirsgirêkan bi rêya gotûbêjê û li gor destûrê bên avêtin. Destûr jî diyar dike ku Iraqê hikûmeteke Îtîhadiye û herêma Kurdistanê jî hikûmeteke serbixwe heye û wek herêmeke serbixwe beşeke ji Iraqê ye.’’

Wê herwaha got, rêkeftina her du hikûmetan li ser bingehê destûrê, em giring dibînin û di destûrê de erk û mafên her du hikûmetan hatiye diyar kirin, her di pirsa deriyên sînor û çawaniya dabeş kirina dahat û rêveberiyên navçeyên bi nakok û navçeyên Kurdistanê yên derveyî îdareya herêma Kurdistanê jî hatiye diyar kirin.

Berdevka hevpeymaniya Ebadî dibêje, berjewendiya hikûmeta Iraqê û herêma Kurdistanê di rêkeftina yekcarî de ye û got: ‘’Kurd li gel me di vî welatî de hevbeşin û di tekoşîna dijî DAIŞê de jî xwedî rol bûn, nabe karek bê kirin ku asteng bo rêkeftina navbera Hewlêr û Bexdayê de bê çêkirin.’’