Wezareta Karên Derve ya Iraqê ragihand ku îro careke din balyozê Tirkiyê vexwendiye û muzakereya protestokirinê radestî wî kiriye.

Li gorî rapora ajansa nûçeyan a Hawar Newsê, Wezareta Karên Derve ya Iraqê bi daxuyaniyekê parve kir ku Iraq êrişên dewleta Tirkiyê ên 17’ê Hezîranê bi tundî şermezar dike, ji ber ku dewleta Tirkiyê xaka Iraqê bombebaran dike û wezaretê jî diyar kir ku bi tu awayî sûcên li dijî hevpeyman û qanûnên navneteweyî qebûl nake.

Wezaretê di dawiyê de parve kir ku wan îro careke din balyozê Tirkiyê vexwendiye û muzakereya protestoyê radestî wî kiriye.