Hat ragihandin ku li Iraqê di 24 saetên dawî de 5 hezar û 898 test hatine kirin û di encama wan de 85 kesên bi vîrusa Koronayê ketine, hatine tespîtkirin.

Wezareta Tenduristiyê ya Iraqê têkildarî zanyariyên dawî yên vîrusa Koronayê daxuyaniyek da.

Di daxuyaniyê de hat diyarkirin ku di 24 saetên dawî de li Iraqê 5 hezar û 898 test hatine kirin, di encama wan testan de derketiye holê 85 kes bi koronayê ketine.

Wezareta Tenduristiyê ya Iraqê diyar kir ku 27 nexweşên Koronayê jî baş bûne.

Li gor zanyariyên dawî heta niha li giştî Iraqê 2 hezar û 431 kes bi vîrusa Koronayê ketine, hezar û 571 kes baş bûne û 102 kesan jiyana xwe ji dest dane.