Wezareta Derve ya Îraqê ragehand, balyozê Tirkiyê li Îraqê dê gazî bike û nameyeka nerazîbûnê radestî wî bike. Ev jî piştî wê yekê dihêt ku firokeyên bêfirokevan ên Tirkiyê kampa Mexmûrê li sinûrê parzêgeha Neynewa kirin armanc û zîyanên canî û malî jê çêbûn.

Di vî warî de, Ehmed Sehaf, Berdevkê Wezareta Derve ya Îraqê ragehand: Ew bi tundî wê hêrişa firokeyên Tirkiyê bo ser kampa Mexmûrê şermazar dikin ku zîyanên canî û malî jê çêbûne.

Ji alîyekê din ve, li gor Ajansa Nûçeyan a Iraqê (WAI) fermandeyê operasyonên hevpişik ê Îraqê, ew hêrişa Tirkiyê bo ser Kampa Mexmûrê binpîkirina serwerîya asmanê Îraqê da zanîn û tekez kir, evê hêrişê bi tundî şermezar dikîn.

fermandeyê operasyonên hevpişik ê Îraqê herwiha ragihandîye: Îraq bi hemû şîyana xwe amade ye bo kontirolkirina rewşa ewlehîyê li ser sinûrê hevpişik ligel Tirkiyê.