Wezareta tenduristiya Iraqê ragihand, 41 kesên din bi vîrusa Koronayê ketine.

Wezareta tenduristiya Iraqê îro ragihand, di heyama 24 saetên borî de têsta Koronayê ya 41 kesên din li Iraq û Herêma Kurdistanê pozîtîf derketiye.

Li gorî amar û agahiyên wezareta tenduristiya Iraqê, ji wan kesên ku têsta wan ya Koronayê pozîtîf derketiye, 8 kes li Bexdayê ne, 8 kes li Besrayê, 5 kes li Necefê, 11 kes li Kerbelayê û 1 kes li Silêmaniyê û 8 kes jî li Hewlêrê ne ku yên Herêma Kurdistanê ji aliyê wezareta tenduristiyê ve hatine ragihandin.

Bi giştî heta niha li Iraq û Herêma Kurdistanê 547 kes bi vîrusa Koronayê ketine. 42 kes ji wan mirine û 143 kes jî baş bûne.