Komîsyona Ewlehî û berevaniyê yê parlemana Iraqê eşkere kir ku sê welatên endamê hevalebndiya navdewletî ji Iraqê xwestine ku bila bona derketina hêzên wan ji vî welatî cedwela demê kivş bike.

Bedr El-Ziyadî, endamê Komîsyona Ewlehî û berevaniyê ya parlemana Iraqê  got ku sê welatên Firansa, Almanya û Awistralya bi fermî ji fermandetiya operasyona hevpar xwestine ku bila bona derketina hêzên wan ji vî welatî cedwela demê kivş bike.

 El-Ziyadî li hevpeyvîna bi Ajansa nûçan a fermî ya Iraqê ra got ku hemî hêzên hevalbendiya navdewletî operasyonên xwe wek yekim pêngava derketina hêzan ji Iraqê rawestandine. 

 Wî her wiha got: dewleta pêşerojê berpirsa amadekirina cedwela demê bo derketina hêzên biyanî tevî hebûna meqerên eskerî li hin navçan bi taybet Herêma Kurdistanê ye. 

Endamê Komîsyona Ewlehî û berevaniyê ya parlemana Iraqê amaje kir ku niha tu liv û tevgerek an firînek ji aliyê hêzên hevalbendiya navdewletî va tine. 

 Wî li bara mayîna hêzên Tirkiyê li bajarê Mûsilê jî got: Hêzên Tirkiyê di nava hêzên hevalbendiya  navdewletî de nînin û tu hevhatinnameyeke eskerî ya stratejîk bi aliyên Tirkiyê re tine loma biryara derxistina hêzên Tirkiyê ji Iraqê ser milê dewleta Iraqê ye û dewlet bo derxistina van hêzana divê hin biryaran bide.

Piştî terorkirina serdar Qasim Suleymanî û Ebû Mehdî Muhendis û bûyerên vê dawiyê, Parlemana Iraqê, bi amadebûna fermandeyê giştî yê Hêzên Çekdar, 5 çillê plana derxistina eskerên emerîkî ji axa Iraqê pejrand.