Endamekî Hevalbendîya Alîyên Iraqî li Parlimana Iraqê ragihand ku hewlên Serokwezîrê rasipardî jibo pêkanîna hikûmetê girîng in lê piştgirîya ji hikûmeta wî maye ser karnama hikûmeta wî û divê Serokwezîrê rasipardî hemî hewlên xwe bixe dewrê jibo ku nêzîkî xwenîşanderan bibe.

Zafir Anî Endamê Hevalbendîya Alîyên Iraqî li Parlimana vî welatî got: Hela zû ye mirov têkildarî şîyanên Ellawî jibo pêkanîna hikûmetê yan wergirtina debngê pêbawerîya pirranîya Parlimanê biryarê bide, rikeberî ji nika ve destpê bûye.

Wî herwiha got: Kivşkirina Mihemed Tofîq Ellawî jibo posta Serokwezîrtîya iraqê di dem û rewşekê da bûye ku hêzên sîyasî di nav qeyranê de bûn.

Zafir Anî Endamê Hevalbendîya Alîyên Iraqî li Parlimana vî welatî herwiha got: Divê Serokwezîrê rasipardî hemî hewlên xwe bixwe dewrê jibo nêzîkbûna li xwenîşanderan neku em ê pêrgî tundî û tîjîyê bibin.

Wî di dawîyê de got ku nêrîn û helwesta Hevalbendîya wan maye ser bernama hikûmeta Ellawî ku şîyana karkirinê hebe û hevdengê daxwazên welatîyan be.