Netewên Yekbûyî pêşwazî li biryara erkdarkirina Mihemmed Tofîq Ellawî bo pêkanîna kabîneya nû ya Iraqê kir.

Jeanine Hennis-Plasschaert, Nûnera Netewên Yekgirtî li Iraqê, di daxûyanîyekê derbarê biryara raspardina Mihemmed Tofîq Ellawî bo pêkanîna kabîneya nû ya Iraqê de, got ku Mihemmed Tofîq Ellawî bi berpirsyariyeke mezin re rûbirû ye jibo cîbicîkirina daxwazên xelkê, encamdana çaksaziyan û herwiha pêkanîna kabîneya nû.

Nûnera Netewên Yekgirtî li Iraqê, amaje bi xwepêşandanên li wî welatî kir û banga encamdana çaksaziyan û cîbicîkirina daxwazên rewa yên xwepêşanderan kir.

Jeanine Hennis-Plasschaertê herwiha, amajeyî rewşa aloz û zehmetiyan jî kir û ser piştevaniya Netewên Yekbûyî bo pêşxistina Iraqê û xelkê wî welatî sekinî.

Serokomarê Iraqê Berhem Salih Wezîrê Ragihandinê yê berê Mihemed Tofîq Elawî ji bo avakirina hikûmeta wî welatî, bi fermî erkdar kir.