Yekîneya Parastina Mûşekî ya Hizbullaha Iraqê di daxuyaniyekê de desnîşan kir damezrandina sîstema Patriot li Iraqê nabe sedema girtina pêşiya êrişên ser hêzên amerîkî.

Malpera Tabnakê ya Îranê nivîsiye: Yekîneya Parastina Mûşekî ya Hizbullaha Iraqê duh di daxuyaniyekê de bal kişand ser îdiaya rayedarên Pentagonê derheq hitmala damezrandina sîstema mûşekî ya Patriotê li Iraqê ji bo parastina hêzên amerîkî û ragihand ku ev sîstemana û yên wekî wan qet nikarin rê li ber êrişên muhtemel ser hêzên amerîkî bigire.

Malpera kanala Al-Mayadeen a Lubnanê jî ji zarê Hizbullaha Iraqê nivîsiye: Sîstema Parastinê ya Patriota Amerîkayê bi yeqîn nikare pêşiya êrişên me bigire.

Yekîneya Parastina Mûşekî ya Hizbullaha Iraqê di daxuyaniya xwe de diyar kiriye: Em ji bo berevaniyê amade ne û hêza me di rewşa herî jorîn de ye ji bo ku em bikarin bargehên dijminan bikin hedef û wan tev hev hilweşînin.

Çend rayedarên amerîkî çarşemiya borî îdia kirin ku muhtemel e Pentagon bona parastina hêzên xwe li Iraqê sîstemeke parastina mûşekî li Iraqê damezrîne.