Biryar e sibê serokkomarê Iraqê bi 170 nunerên parlemana vî welatî re hevdîtinê pêk bîne û li bara serokwezîrê pêşerojê behs û gotûbêjê bike.

 Li gorî rapora ISNA`yê, û ji zarê Someriye Newsê,Berhem Salih serokkomarê Iraqê li hevdîtina bi balyozê Japonyayê re li Bexdayê li bara peywedniyên navbera du welatan behs û gotûbêj kir. 

 Berhem Salih li vê hevdîtinê ser parastian hurmeta viyana gelê Iraqê li bara çaksaziya welêt û dijberiya li hember her cure mudaxila biyaniyan teqez kir. 

 Her wiha Muhemed El-Xalidî, serokê firaksiyona Biyareq  El-Xeyr a Iraqê raghand ku sibê Berhem Salih bi 170 nunerên parlemanê ku taybetmendiyên serokwezîrê tê kivş kirine hevdîtinê pêk tîne. 

 El-Xalidî got: Xala ewil a mada 76`an a qanûna  bingehîn ser vê xalê teqez dike ku  serokkomar berbijarê firaksiyona piraniyê li civîna ewil a parlemanê bi damezrandina dewletê erkdar bike lê piştî ku navbera firaksiyonên çaksazî û vaednakirinê hevhatin pêk hat û firaksiyona piraniyê kivş nebû ev xala jî êdî  erzişa xwe tine. Xalên sê û pênc ya vê xalê jî  li bara rewşeka din diaxive ku erkdarbûna berbijarê serokwezîrtiyê ji aliyê serokkomar bêyî axiftina li bara firaksiyona piraniyê ye. 

 Xalidî li bara dûhatên dewama zext û zora ser serokkomar bona binpêkirina qanûna bingehîn û hitmala kivşkirina berbijarê ku ji aliyê xelkê va neyê qebûlkirin, hişyarî da.