Çavkanîyekî li Serokomartîya Iraqê ragihand ku hîç nivîsarek têkildarî dîyarkirina firaksîyona herîmezin a Parlimanê ji hêla Serokê Parlimanê ve jibo Dezgeha Serokomartîyê nehatîye şandinê.

Mêdyayên Iraqê îro ji zarê çend çavkanîyên li Parlimana Iraqê ragihandin ku Serokê Parlimana Iraqê Mihemed Helbûsî di nivîsareke fermî de Hevalbendîya Binyaddanînê weke mezintirîn firaksoyn jibo Serokomarê Iraqê Berhem Salih daye nasandinê.

Çavkanîyekî li Dezgeha Serokomartîya Iraqê jî têkildarî vê mijarê ji malpera Xendanê re got: Hîç nivîsarek têkildarî dîyarkirina firaksîyona herîmezin a Parlimanê ji hêla Serokê Parlimanê ve negihîştîye destê Berhem Salih Serokomarrê Iraqê. 

Çavkanîya hanê herwiha ew dîra kirîye ku nûçe û agahîyên têkildarî wê mijarê hemî nerast in.

Berî vîya Muxtar Mûsewî endamê fraksyona Fethê ser bi Hevalbendîya Binyaddanînê ragihand ku Hevalbendîya Binyaddanînê Esed Eydanî jibo posta Serokwezîrtîyê û pêkanîna kabîna nû kivş kirîye.