Sazîya Heşdi Şeibîyê ya Iraqê ragihand ku opêrasîyonek jibo ramalîna deverên parêzgeha Dîyalê ji têrorîstên DAIŞ`î û veşartgehên wan lidar xist.

Navenda Ragihandinê ya Sazîya Heşdi Şeibîyê ya Iraqê ragihand ku çiqa 24 a hêzên Heşdi Şeibîyê bi piştgirîya hêza hewayî û topxana Artêşa Iraqê ew opêrasyona li bakura şarê Miqdadîyê li bakura rojhilata parêzgeha Dîyalê bi awayekî serketî lidar xistîye.

Hêzên iraqî di encama wê opêrasyonê de tevî jinavbirina 2 veşartgehên DAIŞ`ê hejmareke zêde ya çek û rextên mayî yên têrorîstên DAIŞ`ê jî zevt kirin. 

Piştî ku têrorîstên DAIŞ`ê Duşema hefteya buhurî êrişî parêzgeha Dîyalê kirin û di encamê de çend hêzên emnî hatin kuştinê, hêzên ewlehîyê yên Iraqê ji roja SÊşemê va opêrasyoneke berfire dijî DAIŞ`îyên mayî li wê deverê destpê kirine.