Hejmarek Parlimanterên iraqî ragihandin ku kiryara Amerîkayê ya boykotkirina sê kes ji Serokên Sazîya Heşdi Şeibîyê, nîşaneya hêrsbûna dewleta Waşîngtonê ji kiryarên hêzên berxwedanê yên dijî dagirkerî û têrorîsma tekfîrî li Iraqê ye.

Hejmarek Parlimanterên Fraksyonên Hikmet û Sadiqûnê li Parlimana Iraqê, xistina navê kesayetîyên iraqî di lîsteya boykotên Amerîakyê de şermezar kirin û ragihandin ku ew karê Wezareta Xizînedarîya Amerîkayê dijî kes û kesayetîyên iraqî, destwerdana aşkira di karên Iraqê de bi hecet û navên curbicur e.

Berdevkê Polîtburoya Fraksyona Sadiqûnê Mihemed Rebîyî boykotên Amerîkayê yên dijî rêvebirên wê tevgerê bêçine û batil bi nav kirin û pêgirî kir ku bera tifinga Komên Berxwedanê yê hertim dijî dagirkerî, têrorîsma tekfîrî, perçekirin û pişkxwazîya bîyanîyan be û Hêzên Berxwedanê bûne kelemê çevê zorbêjan û berbendek himberî komployên Amerîkayê.

Wezareta Xizînedarîya Amerîkayê duh înîyê di daxûyanîyekê de ragihand ku 4 rayedarên iraqî bi tawana binpêkirina mafên mirovan û desthebûna di gendelîyê de boykot kirin.