Berdevkê Fermandetiya Hevpar a Iraqê qala pêkhatina elwehiya tam di sînorên vî welatî digel Sûriyê kir.

Li gorî rapora ajansa fermî ya nûçeyan a Iraqê (Wa'), Serleşker Tehîsn Xefacî Berdevkê Fermandetiya Hevpar a Iraqê roja Duşemiyê ragihand ku artêşa vî welatî li ser sînorê Sûriyê ye û hêzên ewlehiyê bi hevkariya Heşda Şeibî (Besîca gelanî ya Iraqê) bi hemî şiyan û îmkanên xwe ewlehiya sînoran dabîn dike.

Xefacî her wiha got: Wezareta Berevaniyê ya Iraqê amûrên lazim jibo şopandina tevgeran li ser sînor saz kirine û artêşa Iraqê bi hevkariya hevpeymanên xwe, firrînên naskirinê û danûstandina agahiyan derbarê kemîna têrorîstan pêk tîne.

Di vî halî da Heşda Şeibî roja Duşemiyê hişyarî da ku endamên koma têrorîst a DAIŞê di rojên dawî da bi neçêbikaranîna rewşa ewlehî û siyasî ya Iraqê, hin êrîş li hin parêzgeha pêk anîne û li gorî rewşa niha ya welêt, ihtimala vegeriyana wan bo Iraqê heye.