Li civîna îro ya Konseya Ewlehiya neteweyî ya Iraqê bi serokatiya Adil Ebdulmehdî, mesela îstifaya wî ji posta serokwezîrtiyê hat hilkolandin.

 Adil Ebdulmehdî serokwezîrê Iraqê ku duh raghandibû dixweze îstifayê bike, îro li civîneke awarte ya konseya ewlehiya neteweyî ya welatê de hazir bû.

 Li gor daxûyaniya  dewleta Iraqê li c vê civînê mesela îstifaya  serokwezîr û erkên dewletê bona pêşdebirina karûbarên rojane yên welêt li gor qanûna  bingehîn  piştî îstifayê hat hilkolandin.

 Serokwezîrê Iraqê li civîna îro ya kabînê ser guhestina bi aşitî ya qawetê li nizama  demokratîk teqez kir û got ku cihhatina berjewediyên  gel, armancek e ku her tişt li hember wê bê nirx dibe.

  Wî her wiha got ku  dewletê hemî hewldana xwe bona dayîna bersiva xwestekên xwenîşanderan kir û pakêta  reforman, bijartin û derxistina  hin rayedaran,parvekirina erdên xelknişîn, reşnivîsa qanûnên giring mîna qanûna  hilbijartinê, komîsyaryaya bilind a hilbijartinan, konseya xizmeta federal, dosiya postên bi wekalet, rêkûpêkkirina bûdca  dewleta federal ji van hewldanan bûn.

 Ebdulmehdî di dewamê de ji parlemanê xwest ku li civîna tê, rêçareyeka baş amade bike û ji endamên kabînê jî xwest ku heta dema damezrandina kabîna nû dewamê bidin  xebata xwe.

Li gorî vê raporê, li civîna  awarte ya îro ya kabînê îstifaya  serokê nivîsgeha  Ebdulmehdî û rêveberê giştî yê taxima dewletê hat qebûlkirin.