Serokê Hevalbendîya Al Fath a Iraqê amajeyî nearamîyên vê dawîyê li wî welatî kir û got: Rêçareya rastî, jinûvedarêştina nijyara sîyasî ya welêt anegorî Destûra Bingehîn e.

Serokê Hevalbendîya Al Fath a Iraqê Hadî AMirî herwiha got: Pergala Parlimanîyê nekarabûna xwe selimandîye û divê pergaleke guncav digel rewşa nika ya Iraqê dewsa wê bigire.

Sazîya Seferberîya Gelanî ya Iraqê (Heşdi Şeibî) jî di daxûyanîyekê de pêgirî kir ku ew sazîya hevrê û piştgirê daxwazên nerazîyên aştîxwaz e lê di rewşa sîyasî ya Iraqê de destwerdanê nake çinku hêzeke parêzvanê ewlehî û yekperçetîya Iraqê ye û erka wê parastina welêt himberî têrorîsmê ye.

Li hin parêzgehên Iraqê ji wan li Bexdayê hin xwenîşandan bi merema nerazîbûna himberî rewşa nebaş a xizmetguzarîyên giştî, nebûna derfetên karkirinê û gendelîya idarî tên lidarxistinê lê ew nerazîbûn veguherîne şîdtê ku di encamê de bi dehan kes hatine kuştinê û birîndar bûne.