Dadgehekê li Iraqê hikmê îdama hejmarek ji terorîstên DAIŞ`î têkildarî dosiya teqîna ku di encamê de zêde ji 20 hêzên Polîs ên Federal hatin kuştinê yan birîndar bûn, da.

Li gorî rapora Kurd Press`ê, û ji zarê malpera Someriye Newsê, navenda raghandinê ya konseya bilind a dadweriya Iraqê îro nîvro bi daxûyaniyekê ragahnd ku çiqa yekim a dadgeha cizakirinê ya parêzgeha  Babilê li navenda  vî welatî hikmê xwe li bara dosiya 11 kesên tawanbarê endametiya li koma terorîstî ya DAIŞ`ê daye.

Li gor vê daxûyaniyê, tawanbarên hanê bi endametiya  li nav DAIŞ`ê, xebata  li qaşo wilayeta başûr a vê koma terorîstî û her wiha cihanîna  êrişa  ser Qezwe El-Faziliye ser pireyeke stratejîk li navça Cerf El-Nesrê li bakurê parêzgeha Babilê li sala 2014`an a zayînî li xwe mukir hatin ku li encama wê pireya hanê ku erzişa  zêde ji 15 milyon dolarî hebû, tam teqî û sê kes ji hêzên polîs li nêzîkî wir canê wxe ji dest dan û 19 kesên din jî birîndar bûn.

Konseya Bilind a Dadweriyê ya Iraqê li daxûyaniya xwe teqez kirin ku  terorîstên hanê bi sûçên din ên terorîstî li navend û demên curbicur jî li xwe mukir hatin, teqez kir ku dadgeha cizakirinê ya Babilê li civîneke mehkemekirinê ya eşkere bi beşdariya nûnerê dozgeriya giştî û parêzvanên tawanbaran, li gor hikmên  xala çaran a qanûna  rawestana  li ber terorîzmê,  hikmê darvekirina wan da.