Hêzên ewlehîyê yên Iraqê di dewama opêrasyona lêgerîn û paqijkirina çîyayê Hemrînê ji têrorîstên DAIŞ`ê, 22 têrorîstên vê komê li parêzgeha Dîyalê kuştin.

Mezher Izawî fermandeyê opêrasyona Dîyalê li hevpeyvîna digel Kanala Rudawê got: Bi dû vê opêrasyonê pişkeke berfire ya çalakîyên têrorîstan li çîyayên Hemrînê hatîye sekinandinê û 25 veşartgehên binerdî yên DAIŞ`ê jî hatin peydakirin û têkbirinê.

Ji hêla din ve, Navenda Ragihandinê ya Ewlehîyê ya Iraqê da xûyakirinê ku di encama şopandin û hewildanên fermandetîya opêrasyona Samerayê de, 3 têrorîstên xwekuj li vî şarî ji hêla hêzên ewlehîyê va hatin dorpêçkirin û kuştinê û têrorîstek jî hat birîndarkirinê.

Navenda Ragihandinê ya Ewlehîyê ya Iraqê herwiha ragihand: Di encama vê opêrasyonê de hêzên ewlehîyê li devera Sîfonîyê ser bi nahîya Muitesemê li rojhilata bajarê Samerayê dest danîn ser gellek çek, qawûşên teqemenîyê û bombeyên bidestçêkirî.