Serokwezîrê Iraqê li seredana bargeha Heşda Şeibî ya li Bexdayê, alûgorên herî dawîn ên ewlehiyê yên vî welatî hilkoland.

Li gorî rapora Ajansa nûçeyan a ISNA`yê, Heyder El Ebadî, serokwezîrê Iraqê li vê seredanê ji bilî hevdîtina û gotûbêja bi Ebû Mehdî Muhemdis, alîkarê Heşda Şeibî û fermandeyên mêhwerên curbicur re, li ser girîngiya dewama çalakiyên ewlehî û istixbaratî bona nasîna endamên koma terorîst a DAIŞ`ê bona parastina serketinê pêgîrî kir.

Ebadî bal kişand ser vê yekê ku Bexda piştî şikestdayîna DAIŞ`ê li Iraqê, beşdarî operasyoneka taybet a hewayî ya ji bo jinavbirina komên terorîst ên li Sûriyê bû û herwiha got: Fikr û ramanên terorîstî hîn jî piştî serketina leşkerî ya li hemberî terorîsmê, li navçê hene.

Serokwezîrê Iraqê ji hêzên ewlehiyê ku bi yekbûna xwe ewlehî û aramiyê vegerandine Iraqê, xwest piştgiriya ji nûveavakirina welêt bikin û dîsan jî yekbûn û hevkariya xwe ya bi welatiyan re biparêzin.

Li gorî raporeka din a ji Iraqê, li dû çend teqînên ji aliyên DAIŞ`ê dijî polîs û Heşda Şeibî li rojavaya Bêciyê  li parêzgeha Selahedînê, çend kes birîndar bûn.

Dewleta Iraqê di Kanûna 2017`an de bi dawîhatina hebûna leşkerî ya Koma Terorîst a DAIŞ`ê ragihand lê paşdamaiyên vê koma terorîst bi awayekî perate, hin êrişan ser hin navçeyên Iraqê cih tînin.