Parlamentoya Iraqê têkildarî hilbijartinên 12`ê Gulanê yên li wî welatî du biryarên giring dan, ku yek ji wan biryaran, hejmartina %10`ê dengan bi destan e.

Li gorî rapora malpera Somerye News`ê, Parlamentoya Iraqê derbarê nirxandin û gotûbêja ser encamên hilbijartinên 12`ê Gulana îsal civînek lidar xist.

Li gorî vê raporê, 165 parlamenter di civîna îro de amade bûn û bi vî awayî rêjeya yasayî ji bo destpêkirina civînê temam bû. Parlamentoya Iraqê di civîna îro de, derbarê encamên hilbijartinên 12`ê Gulana îsal de du biryarên giring dan ku li gorî yek ji wan parlamentoya Iraqê dengên dengdana derve û yên awareyan red kirin.

Parlamentoya Iraqê herwiha biryar da, ku ji sedî 10`ê dengan bi dest werin cudakirin û hejmartin.

Di civîna îro de, herwiha parlamenteran daxwaza destjikarberdana endamên Komîsyona Bilind a Serbixwe ya Hilbijartinên Iraqê kirin.