Di operasyona El Qesam de 4 tank û buldozerên siyonîst hatin rûxandin
Tabûrên El Qesam li taxên curbicur ên bajarê Xezzê ji wan Şucaiye û Til El Hewayê şerê li dijî dagirkeriya Siyonîst berdewam kirin û îro jî bi rokêtan êrişî bajarokên li Zîvala Xezzê kirin.
Tabûrên Izedîn Qesam bi daxuyaniyekê ragihandin ku hêzên wan 4 tankên modela Merkavay yên Rejîma Siyonîst li taxa El Şucaiyê li rojhilatê bajarê Xezzê dane ber mûşekên Yasîn 105`ê. Îro Berxwedana Filistînê jî hin rokêt avêtine ser bajarokên li zîvala Xezzê û ji wê demê ve zengilên xeterê di van bajarokan da hatine lêxistin.El Qesam her wiha ragihand ku li nêzî mizgefta Xalid Bin El Welîd li rojavayê taxa Til El Hewayê li başûr rojavayê bajarê Xezzê, zewiyek mayînkirî teqiya ku di encamê de du buldozerên leşkerî yên modela D9 şewitîn.El Qesam herwiha ragihand ku bombeyek dije mirovan li cihê kombûna leşkerên dijmin li nêzî birca El Riyaz li rojavayê taxa Til El Hewayê li başûrê rojavayê bajarê Xezzê teqiyaye û di encamê de hejmarek ji wan hatin kuştin û birîndarkirin. .
