Hejmara şehîdên Xezzê gihîşte 37 hezar û 925 kesî
Wezareta tendirustiya Filistînê li Zîvala Xezzê ragihand ku hejmara şehîdên ji ber êrişên Artêşa Rejîma Siyonîst ser Zîvala Xezzê gihîştiye 37 hezar û 925 kesan.
Wezareta Tenduristiyê ya Filistînê li Zîvala Xezzê diyar kir ku di êrişên artêşa Îsraîlê yên 24 saetên borî de li ser zîvala Xezzê 25 kes şehîd bûne û 81 kes jî birîndar bûne.Wezareta Tenduristiyê ya Xezzeyê tekez kir ku hîn hinek ji şehîd û qurbaniyan di bin kavilan û li kolanan de ne û hêzên dagirkir rê li ber alîkariyên ji bo wan digrin. Herwiha Tabûrên Qesam, baskê leşkerî ya Hemasê di daxuyaniyekî da ragihand: Şervanên me li El Şûcaiyeyê li rojhilatê bajarê Xezzê bi hêzên siyonîst re ketine pevçûnê û hinek ji wan kuştine û hinek jî birîndar kirine. Ji hêla din ve li Perrava Rojava Çemê Urdinê jî şervanên filistînî di şerekî giran a bi dagirkiran de ne.Ajansa UNRWA`yê jî ragihandiye li dû dayîna destûrxebatên nû ji aliyê Têlavîvê li ser valakirina Xan Yûnisê, 250 hezar filistînî careka din neçar man ji vî bajarî koçber bibin.
