Meşa leşkerî ya Roja Serkeftinê li meydana Sor a Moskoyê
Meşa Hêzên Çekdar a Rûsyayê bi minasibeta salvegera 78’an a serkeftina li şerrê cîhanî yê duyem, îro hevgavê Roja Serkeftinê, li meydana Sor a Moskowayê û bi beşdariya Pûtîn hate lidarxistin.
Vladîmîr Pûtîn, Serokkomarê Rûsyayê, ligel serokên biyanî yên ji Ermenistan, Bilarûs, Qezaqistan, Qirqîzistan, Tacîkistan, Uzbekistan û Tirkmenistanê ji bo beşdariya li vê meşê li meydana Sor a Moskoyê amade bûn.
Pûtîn di vê merasimê da ji bilî pîrozkirina Roja Serkeftinê li hemî leşkerên ûris got: Beşdariya serokên welatên bi berjewendiyên hevpar di vê rêûrismê da, nihêrîna wan a hêjayî rêzgirtinê li bîreweriya şerê cîhanî yê duyem, nîşan dide. Hemî xelkê Yekîtiya Soviyetê, di vê serkeftinê da beşdar bûn.
Pûtîn herwiha got ku welatên rojavayî, pevçûn û şoreşan han didin û nirxên kevnar ji nav dibin. A nika meşek ber bi cîhana adilanetir û îmkana geşepêdana ji bo hemî welat û gelan re heye.
Wî li ser şerrê Ukraynê jî got: Amerîka û hevgirtiyên wê, sûçkarên destpêbûna şerrê li Ukraynê ne.
