Li Fransayê qopîna kirrîna êzingan di nava gel da hat belavkirin
Hikûmeta Fransayê ragihand ku qopîna (Coupon) kirrîna êzingan di nava gel da hat belavkirin ta ku welatîyên hewcedar bikaribin êzingan ji bo germkirina mala xwe wergirin.
Bi dû şerê Ukraynê û jordaçûna bihaya ardûyê û dewama zextên ji ber qedexeyên têkildarî Koronayê, zama salê li Fransayê di meha Mijdarê da rabû sedî 6.2yê.
Hikûmeta Fransayê ragihand ku qopînên 50 heta 200 euroyî dane welatîyên ku mala xwe bi êzingan germ dikin.
Bihaya qopînan maye ser hejmara endamên malbatan û nika nêzî 2.6 milyon malbatên ku ji bo germkirina mala xwe êzingan bi kar tînin, xwedîyê şert û mercên wergirtina vê alîkarîya hikûmetê ne.
Pispor û şarezayên warê enerjîyê jî pêşbînî dikin, heke bihaya gazê ya ji bo berhemanîna ceryanê li Ewropayê jorda hete, Ewropa yê tûş têkçûna aborî bibe.
