Komkirina zêdetirî 300 belgeyên nehênî ji mala Trump
Hikûmeta Amerîkayê heta niha zêdetirî 300 belgeyên bi mohra veşartî li mala Serokomarê berê Donald Trump dîtine, di nav de belgeyên CIA, FBI û ajansên ewlekarî yên li seranserê welêt dikevin ber çavan.
Li gorî ajansa nûçeyan, beşa yekem a ji zêdetirî 150 belgeyên nepenî ji hêla Servîsa Arşîvên Neteweyî ve di Çile de hate berhev kirin, berî ku şêwirmendên Trump di meha Hezîranê de beşa duyemîn radestî Wezareta Dadê bikin.
Di dawiyê de, pakêtek sêyemîn a belgeyan di dema lêgerîna vê mehê de li mala serokomarê berê yê Amerîkayê li Maralagoya Floridayê, hate desteser kirin.
Wezareta Dadê ya Amerîkayê derbarê vê mijarê de ti daxuyanî nedaye. Nûnerên Donald Trump jî bersiv nedan daxwazên şîroveyê di vê barê de.
Donald Trump roja Duşemê ji dadgeha federal a Florida xwest ku analîzkirina belgeyên ku ji mala wî hatine desteser kirin asteng bike heya ku pisporek ji bo çavdêriya pêvajoyê were destnîşankirin.
Ev lêgerîn beşek ji vekolîneke federal e ku gelo Trump bi neqanûnî belge di dawiya peywira xwe de di Çile 2021 de rakirine yan na.
Trump û piştgirên wî çalakiya FBI û Wezareta Dadê ya Amerîkayê wek sembola destdirêjiya hikûmetê û çewisandina siyasî binav kirin.
