Wezîra Berevaniyê yê Amerîkayê bi Koronayê ket
Wezîrê Parastinê yê Amerîkayê Lloyd Austin ragihand ku bi vîrusa Koronayê ketiye.
Li gorî rapora IRNA`yê, wezîrê berevaniyê yê Amerîkayê roja yekşemê li daxûyaniyekê piştrast kir ku dê heya 5 rojên bê di karantînayê de bimîne.
Li gorî gotina Lloyd Austin, nîşanên wî sivik in.
Wezîrê Parastinê yê Amerîkayê di daxuyaniyekê de ragihand ku hevdîtina wî ya dawîn bi Serokomarê Amerîkayê Joe Biden re roja Sêşemî 21ê Kanûnê ya 2021an anku zêdetirî hefteyekê beriya destpêkirina nîşaneyên nexweşiyê pêk hatiye.
Amerîka niha hem di warê hejmara kesên ku bi vîrusa Koronayê ketine û hem jî ji babeta hejmara kesên ku ji ber vîrusê mirine di serî de ye.
Li hin eyaletên Amerîkayê, nexweşxane niha di nav zêdebûna belabvûna vîrusa Koronayê de bi kêmbûna kedkar û nivînan re rû bi rû ne.
Li gorî New York Times, wer xuya dike ku Amerîka bibe navenda belavbûna cureya nû û xeternak a coronavirusê ya bi navê Omicron.
