Ermenistan qedexeya li ser kelûpelên Tirkiyê radike
Ermenistanê biryar da qedexeya hawirdekirina li ser kelûpelên Tirkiyê rake.
Piştî Tirkiye û Ermenistan, ji bo başkirina peywendiyên dualî nûnerên xwe yên taybet diyar kirin, her du aliyan pêngavên nû avêtin.
Wezîrê Derve yê Tirkiyê Mevlut Çavuşoglu berî çar rojan gotibû: “Dê nûnerên taybet ên Tirkiye û Ermenistanê li Moskowê bicivin.”
Piştî daxuyaniya Çavuşoglu Wezareta Aborî ya Ermenistanê ragihand, qedexeya hawirdekirina kelûpelên Tirkiyê ku piştî Şerê Qerebaxê û piştgiriya Tirkiyê ji Komara Azerbaycanê di vî şerî de destpê kiribû ji 1ê Çileya 2022an ve hat rakirin. Wezareta Aborî ya Ermenistanê got: “Biryara gemaroya hawirdeya kelûpelên Tirkiyê nayê dirêjkirin.”
Ermenistanê piştî Şerê Nogorno-Qerebaxê, 1ê Çileya 2021ê li dijî kelûpelên Tirkiyê biryara qedexeyê dabû.
