Joe Biden: "Egera êrîşeke din li ser Balafirgeha Kabulê heye"
Serokê Amerîkayê ragihand; rewşa ewlehiyê ya Balafirgeha Kabulê gelekî metirsîdar e û di 24 heta 36 saetên pêş de îhtîmala êrîşeke din a terorî heye.
Li gorî nûçeya Kurdistan24ê, Serokê Amerîkayê Joe Biden ragihand; êrîşên li dijî DAIŞ'ê êrîşa dawî nabe û em dest ji wan bernadin û divê baca êrîşa ser Balafirgeha Kabula paytexta Efxanistanê bidin.
Ev di demekê de ye ku duh Wezareta Berevaniyê ya Amerîkayê (Pentagon) ragihand; li Efxanistanê 2 berpirsên pilebilind ên DAIŞê hatin kuştin û yek jî hat birîndarkirin.
Pentagonê bi daxuyaniyekê eşkere kir: “Di encama êrîşên esmanî de li dijî DAIŞê, 2 berpirsên pilebilind hatin kuştin û yek jî hat birîndarkirin.”
Artêşa Amerîkayê piştî êrîşên li Balafirgeha Kabulê, li wîlayeta Nengerharê bi rêya firoyekên bêfirokevan dest bi operasyonê kiribû.
