Koma Talîban a Efganîstanê peyamekî gefxwarinê ji serokomarê Amerîkayê re dişîne.

Berdevkê koma Talîbanê Suhêl Şahîn di peyamekê de ragehand: Mayîna hêzên Amerîkayê piştî 31.08.2021ê ji bo me wek xeta sor e.

Suhêl Şahîn ragehand: Serokê Amerîkayê Joe Biden ragehandibû ku dawiya meha Tebaxê de hemû hêzên li Efganîstanê dê vekêşin, ‘’Eger nakêşin wê demê dema dagirkeriyê li Efganîstanê dirêj kirine.’’

Berdevkê Talîbanê Joe Biden hişyar kir û ragehand: ‘’Eger Amerîka û Brîtanya daxwaza dema zêdetir bikin bo mayîna li balefirgehê ji bo veguhestina leşkerên xwe û xelkê reviyayî yê ji bindestiya Talîbanê, wê demê bersiva me dê ‘’nexêr’’ bibe û dê ew yek bibe sedema bêbaweriyê û wê demê jî dê bertekên me hebin.’’