Li Nîjeryayê di êrîşa çekdarî de 18 kes mirin
Sibat 27, 2021 22:00 Asia/Tehran
Li bakurê Nîjeryayê ji aliyê kesên çekdar ve êrîşek pêkhat û di encamê de 18 kesan jiyana xwe ji dest dan.
Berpirsê navxwe û ewlehiya navxwe ya eyaleta Kaduna Samuel Aruwan daxuyaniyeke nivîskî da û ragehand, li herêmên Igabi, Chikun û Buruku ji aliyê kesên çekdar ên nasnama wan nediyar ve êrîş pêkhatine.
Aruwan got, di êrîşan de 18 kesan jiyana xwe ji dest dane û gelek kes jî birîndar bûne û hin kes jî hatine revandin.
Hat ragehandin di êrîşan de gelek mal hatine şewitandin û 20 ser sewal jî telef bûne.
Aruwan got, li herêmê ji aliyê hêzên ewlehiyê ve operasyon hatine destpê kirin.
