SAHAR

Hate ragihandin ku serokê hilbijartî yê Amerîkayê Joe Biden, nûnerê berê yê Koalîsyona Navneteweyî li dijî DAIŞ'ê Brett McGurk wekî nûnerê Rojhilata Navîn û Afrîqaya Bakur erkedar kir.

Rojnameya "New York Times" û "CNN" ragihandin ku McGurk wekî rêveberekî payebilind ê Konseya Ewlehiya Neteweyî bo Rojhilata Navîn û Afrîqaya Bakur hat hilbijartin.

McGurk sala 2018'an li dijî biryara Trmup a vekişandina hêzên Amerîkayê ji Sûriyê ji erka nûnerê Amerîkayê yê di Koalîsyona Navneteweyî ya li dijî DAIŞ'ê de îstîfa kiribû û ji rexnegirên êrişên dewleta Tirkiyê  ên li dijî Bakur û Rojhilatê Sûriyê û dagirkirina van deveran e.