Li Rûsyayê li dijî avahiyeke hêzên ewlehiyê êrişeke xwekujî pêk hat
Kanûn 12, 2020 11:49 Asia/Tehran
Li gorî medyaya Rûsyayê, duh li pêşiya avahiya Ewlehiya Federal a başûrê Rûsyayê êrişeke xwekujî pêk hat.
Ajansa Interfax a Rûsyayê li gorî çavkaniyekî ewlehiyê ragihand ku xwekujekî li pêşiya avahiya Ewlehiya Federal a başûrê Rûsyayê xwe teqandiye.
Li gorî çavkaniyan, di teqînê de 2 kes birîndar bûne. Çavkaniyan wiha da zanîn: “Li gorî daneyên destpêkê, kesekî nenas teqîn pêk aniye û cihê bûyerê hatiye dorpêçkirin.”
Çavkaniyekî din jî ji ajansê re got: “Beriya teqînê, xwekuj nêzî komeke rayedarên ewlekariyê yên li deriyê têketina avahiya Ewlehiya Federal bû û bi qîrîna “Ellahu Ekber” xwe teqand.”
