Emmanuel Macron, Vladimir Putin û Donald Trump pevçûn û bûyerên leşkerî yên li herêma Qerebaxê şermezar kirin û banga rawestandina şer kirin.

Fransa, Rusya û Amerîkayê banga agirbestekê di navbera hêzên Komara Azerbaycan û Ermenistanê de li herêma Qerebaxê kirin û ji herdu aliyan xwestin ku li danûstandinan bê dereng pêk bînin.

Serokên Fransa, Rûsya û Amerîkayê ku hevserokên Koma Minsk a Rêxistina Ewlehî û Hevkariya Ewropî di daxuyaniyek hevbeş de gotin: "Em bang dikin ku demildest şer di navbera hêzên leşkerî yên peywendîdar de bê rawestandin."

Di daxuyaniya hevpar de hate gotin: "Em bang li serokên Ermenistan û K. Azerbaycanê jî dikin ku di bin banê hevserokên Koma Minsk a Rêxistina Ewlehî û Hevkariyê ya li Ewropayê de, bêyî şertên pêşîn diyalogên cewherî dewam bikin."

Koma Minsk di sala 1992'yan de ji bo pêkanîna aştiyê li herêma Qerebaxê yê başûrê Qafaasyayê hate avakirin.