Ewropayê pişta lihevkirina Sûdanê girt
Berpirsê Siyaseta derveyî ya Yekîtiya Ewropayê lihevkirinameya aştiyê ya navbera dewleta Sûdanê û komên çekdar wek hokara pêkhatina aştiyê li vî welatî da zanîn.
Li gorî rapora kanala El-Cezîreyê, Berpirsê Siyaseta derveyî ya Yekîtiya Ewropayê, Cozêp Borêl (Josep Borrel) ji Tevgera gelanî ya azadkrina Sûdanê Baska Bakur bi Rêbertiya Ebdulezîz Helo û Tevgera Rizgarkirina Sûdanê bi rêbertiya Ebdulvahid Nûr xwest ku tevlî hewildanên jibo aştiyê bibin.
Berpirsê Siyaseta derveyî ya Yekîtiya Ewropayê lihevkirina Sûdanê nîşaneke girîng di pêvajoya veguhestina dîplomatîk û aborî li vî welatî da zanîn ku rê jibo pêkhatina aştiya hertimî xweş dike.
Lihevkirina aştiyê navbera Bereya Şoreşger a Sûdanê, hevpeymana sereke ya komên şoreşger li navçeya rojavaya Darfûrê û parêzgehên başûrî yên Nîla Şîn û Kurdofana Başûr û dewleta vî welatî duh Duşemiyê bi awayekî fermî hat wajokirin.
Ev lihevkiriname bi armanca bidawîanîna pevçûnên 17 salî li Sûdanê hatiye wajokirin.
