Hikûmeta Trump jiyana bi mîlyonan kesî li cîhanê xistiye xeterê
Tora Sky News`ê di raportekê de amaje bi biryarên Trump di 50 rojên ewil ên serokkomariya wî de kir û û ragihand ku biryar û siyasetên Trump jiyana bi milyonan kesî li cîhanê xistiye metirsiyê.
Hikûmeta Trump ku tenê 50 roj in li ser bi desthilatbûna wê re derbas dibe bi rawestandina sedî 90`ê alîkariyên derve bo welatên din, jiyana bi milyonan kesî li seranserê cîhanê xistiye tengasiyê û bi vê kiryarê, çalakiyên bi sedan rêxistinên alîkariyê li seranserê cîhanê têk biriye.
Hin xebatkarên saziyên xêrxwaziyê weke berteka li himber kiryara Trump a qutkirina alîkariyên ji bo saziyên alîkariyê gotin ku biryara Trump mîna şerê biyolojîkî li dijî bi hezaran mirovên hewcedar li cîhanê ye. Trump hevdem ku qanûnan didirîne, êrişî hevalbendên Amerîkayê dike û li kêleka dijminên wê disekine û ev siyaset bûye sedem ku bawerî bi Amerîkayêpir kêm bibe.
Hinek karzanan jî gotine ku siyasetên Trump dê bibe sedema gurbûna hevrikiyên çekan li seranserê cîhanê ji ber ku êdî ti welatek li cîhanê hest bi ewlehiyê nake.
