Li bajarê Lahorê yê Pakistanê teqîneke terorîstî pêk hat
Li bajarê Lahor ê Pakistanê di êrîşa terorîstî de herî kêm 3 kesan jiyana xwe ji dest dan.
Polîsê Lahorê navenda Eyaleta Pencabê li Rojhilatê Pakistanê ragihand ku roja Pêncşemê li bazara Enar Kilî bombeyek teqiya û di encamê de 22 kesên din birîndar bûn. Hate ragihandin ku rewşa hin birîndaran xirab û xedar e.
Heya niha ti kes û grûpekê berpirsatiya êrîşa terorîstî ya li Lahorê negirtiye ser xwe.
Havîna par jî li Lahorê di encama teqîna bombeyekê de 3 kes mirin û 23 kes jî birîndar bûn.
Roja Sêşemê komeke terorîstî ya Talîbana Pakistanê li Îslamabadê êrişî hêzeke ewlehiyê kir û di encamê de pasewanek hat kuştin û 2 jî birîndar bûn.
Hêjayê gotinê ye ku berdevkê wezareta karên derve ya Îranê Seîd Xetîbzade ev êrişa terorîstî li bajarê Lahora Pakistanê şermezar kir û got: "Ew kiryarên terorîstî carek din eşkera kir ku şerê li dijî komên têrorîst ji bo pêkanîna aştiyê pêwîst dike."
