Amrullah Salih Talîban bi sûcên şer tawanbar kir
Emrullah Salih, ku niha xwe wekî serokê Efganistanê dihesibîne, roja Înê Koma Talîbanê bi sûcên şer û paşguhkirina mafên mirovan tawanbar kir.
Li gorî rapora IRNA`yê, Salih di peyama xwe ya Twitterê de nivîsî: Talîban tawanên cengê dike û rêzê li mafên mirovan ên navneteweyî nagire.
Salih herwiha got: "Em bang li rêberên Neteweyên Yekbûyî û cîhanê dikin ku bala xwe bidin vê koma tawankar û terorîstî ya Talîbanê."
Salih, ku niha li devera Pencşêr li bakurê Kabulê ye, got ku Talîbanê gihîştina alîkariyên mirovahî û gihandina dermanan bo deverê asteng kiriye û karûbarên têlefon û elektrîkê jî ji bo vê deverê qut kiriye.
Gotinên Emrullah Salih di demekê de ne ku şerekî giran li parêzgeha Pêncşêrê di navbera endamên Talîbanê û hêzên Eniya Berxwedanê ya bi serokatiya Ehmed Mesûd de berdewam dike, û her du aliyan îdîa dikin ku pêşkeftinên ber bi çav bi dest xistine.
