Borrell bi îzna dadgeha Rûsyayê dikare bi Navalny re hevdîtinê pêk bîne
Berdevka Dadgeha Bajêrê Moskowê Oliana Solopova îro got ku berpirsê sîyaseta derve ya Yekîtiya Ewropayê(YE) Josep Borrell tenê bi destûra dadgehê dikare bi Alexy Navalny re, serokê dijberiya rûsî ku di binçav de hevdîtinê pêk bîne.
Biryar e îro Josep Borrell Berpirsê Siyaseta Derve ya Yekîtiya Ewropayê ku çûye Moskowê ligel berpirsên Rûsyayê bicive û herdu alî gotûbêjan li ser hijmareke pirsên taybet bi peywendiyên navbera Moskow û Brukselê bikin. Yek ji mijarên civînê dê zindanîkirina Alexy Navalny serkirdeyê opozisyona Rûsyayê û hevdîtina Borrell pê re bibe.
Derbarê hevdîtina bi Navalny re Berdevka Dadgeha Bajêrê Moskowê Oliana Solopova got: : "Ji ber biryara Dadgehê ya devera Simonova Moscowê li ser Navalny ya di 2yê Sibatê de cih nehatiye, ew li ber destê vê dadgehê ye vêca hevdîtina bi vî kesê mehkûm re tenê bi destûra vê dadgehê û li gorî qayide û qirarên gelemperî ya hevdîtina bi mehkûman gengaz e.
Josep Borrell dê li Moskowê li gel Wezîrê Derve yê Rûsyayê Sergey Lavrov jî bicive û tevî mijara girtina Navalny, dê bi Lavrov re têkildarî mijarên weke têkiliyên du alî, êrişên elektronî û pêşhatên li cîhanê gotûbêjan bike.
Mijara girtina Alexy Navalny di civîna dawî ya meha bihorî de ya Encûmena Ewropayê de hatibû gotûbêjkirin û Yekîtiya Ewropayê dilgiraniya xwe derbarê mameleya Moskowê beramberî xwepêşnderan nîşan dabû.
Josep Borrell derbarê civîna Encûmena Ewropayê de ragihand: “Me behsa pirsa girtina Navlny û alîgirên wî li Rûsyayê kir. Bi nerîna Encûmena Ewropa ew yek herdem cihê qibûlkirinê nîne. Encûmenê girtina bikom a xwepêşanderan û tundûtîjiya polîs şermezar kir. Em daxwazê li Rûsyayê dikin rêzdar Navlany û girtiyên din jî azad bike.”
Moskow daxwazên Yekîtiya Ewropayê û welatên din ên rojavayî dûrî rastiyê dibîne û weke destwerdana di nav karûbarên navxwe yê Rûsyayê de bi nav dike.
