Meclîsa Nûneran a Amerîkayê xwest Trump ji wezîfeyê bê girtin
Çile 15, 2021 08:00 Asia/Tehran
Ji bo pêvajoya dûrxistina ji wezîfeyê ya Serokomarê Amerîkayê Donald Trump li Meclîsa Nûneran dengdan hate kirin. Di dengdanê de daxwaza ji bo dûrxistina Trûmp hate pejirandin.
Di dengdanê de ya li Meclîsa Nûneran, hate xwestin ku ji ber êrişa komên tundrew ên li ser Kongreyê, Trump ji wezîfeyê bê girtin. Hate ragihandin ku zêdeyî 217 dengên ji bo vê daxwazê hatine bikaranîn. Li gorî agahiyan, tevî Demokratên li Meclîsa Nûneran herî kêm 10 Komarparêzan jî xwestine ku Trump ji wezîfeyê bê girtin.
Lê belê hîmê duyemîn ê vê pêvajoyê jî Senato ye ku dengdana li Senatoyê wê piştî 20'ê Çileyê pêk were. Di 20'ê Çileyê de ji xwe Trump wê wezîfeyê radestî Bîden bike.
