Rêberê giranqedr ê Şoreşa Îslamî: Ger Amerîka şerekî bide destpêkirin dê vê carê şerê navçeyê çêbibe
Rêberê giranqedr ê Şoreşa Îslamî îro di hevdîtina bo girseya gel li Huseyniya Îmam Xumêynî (R) derbarê gefên vê dawiyê yên Amerîkayê tekez kir: Bila Amerîka bizanibe ku ger şerekî bides destpêkirin vê carê dê şêr li navçeyê belav bibe.
Rêberê giranqedr ê Şoreşa Îslamî îro di hevdîtina bi girseya gel li Huseyniya Îmam Xumêynî(re) derbarê gefên vê dawiyê yên Amerîkayê tekez kir: Bila Amerîka bizanibe ku ger şerekî bide destpêkirin vê carê dê şêr li navçeyê belav bibe.
HZ. Ayetullah Xamineyî, Rêberê qedirbilind ê Şoreşa îslamî di hevdîtina bi hezaran kes ji çîn û qatên curbciur ên gel îro li 12 Behmenê(2 sibatê) salroja hatina Îmam Xumêynî bo nav Îranê, piştî revîna şah, ew roj wekî rojeke dîroksaz û taybet bi nav kir û bal kişand ser veguherîna hikûmeta kesane, dîktatorî, li dijî olê û girêdayî ya Pehlewî li hikûmeteke gelanî, ser bingeha olê û li dijî zordariyê û got: Gel agirê fitneya emerîkî-siyonîst ya vê dawiyê wekî hemî pîlanên berê vemirandin û di siberojê de jî gel bi alîkariya Xwedê li himber her bûyerekê dê kar yekalî bikin.
Rêberê Şoreşa Îslamî, gotinên serokomarê Amerîkayê nîşaneyeke eşkere ji amerîkî û siyonîstbûna fitneya vê dawiyê li Îranê bi nav kir û got: Wî eşkere li ajawegêrên ku gelê Îranê bi nav dikirin digot ku herine pêş , waye ez têm. Helbet li gor wan ew çend hezar kesên ajawegêr, gelê Îranê bûn, lê bi milyonan kesên ku di 22`ê Çile de li seranserê welêt kom bûn ne gelê Îranê bûn.
Wî got: Taybetmendiyên fitneya vê dawiyê, ji wan xweveşartina li pişt nerazîtiyên kasibkaran, wekî darbeyêbûn, plankirî ji derveyî welêt û wekî tundûtûjiya DAIŞê , ku gelê Îranê bi amadebûn û berxwedana xwe ewlehiya welêt parastiye û li dijî gef û timakarî û çavbirçîtiyên Amerîkayê rawestiyaye.
HZ. Ayetullah Xameneyî her wiha hewldana Amerîkayê jibo daqurtandina Îranê û berxwedana gelê wêrek li himberê vê çavbirçîtiyê sedema sereke ya pevçûna 47 salan di navbera Îran û Amerîkayê de nirxand û got ku ew dixwazin Îranê dagir bikin û serdestiya xwe li ser çavkaniyên Îranê, nift, siyaset, ewlehî û têkiliyên navneteweyî yên Îranê wekî di serdema Pehlewî de vegerînin. Hegera sereke ya dijminatiya wan ev e û gotinên wan yên din mîna mafên Mirovan gotinên vik û vala ne.
Rêberê Şoreşa Îslamî tekez kir: Gelê Îranê li hember armancên Amerîkayê sîngê xwe daye pêş û rawestaye û dê raweste jî, û wan ji ajawegêrî û îzakirinê dilsar bike. Wî bal kişand ser gotonên vê dawiyê yên amerîkkiyan û got : Ew ji bo tirsandina gelê Îranê digotin hemû vebijarek li ser maseyê ne û helbet divê ew bizanin ku heke ew vê carê şer bidin destpêkirin, ew ê bibe şerekî navçeyî . Nabe ku gelê Îranê ji van tiştan bitirsînin. Gelê Îranê dê nekeve ber bandora van gotinan. Helbet em ne destpêkerê şer in û em naxwazin zilmê li kesekî bikin an êrişî welatekî bikin, lê gelê Îranê dê kesê ku çavbirçî be û timakar û bixweze êrişê bike û eziyetê bike dê bide ber mistan .
