Eraqçî: Konsulxana Îranê li Wanê yê bi zûtirkê karê xwe dest pê bike
Wezîrê Karên Derve yê Îranê got: Konsulxana Îranê li Wanê yê bi zûtirkê were vekirin.
Ebas Eraqçî Wezîrê Karên Derve yê Îranê di civîna çapemenîyê ya hevpar digel Wezîrê Karên Derve yê Tirkîyê da li Têhranê derheq siberoja peywendîyên Têhran- Enqerê hêvîdarbûna xwe dîyar kir u ragihand ku konsulxana Îranê li Wanê yê bi zûtirkê were vekirin û got: Bi vê yekê konsulxaneyeke me li Tirkîyê zêde dibe ku yê potansîyelên nû ji bo peywendîyên her du welatan bîne. Ev konsulxana bilî erkên konsulî, yê roleke girîng di pêşxistina hevkarîyên parêzgehên ser sînorê her du welatan da bilîze. Wezîrê Karên Derve yê Îranê amajeyî geşbûna ticareta di navbera her du welatan da kir u pêgirî kir ku Têhran ji bo dirêjkirina peymana gazê ya tev Tirkîyê û pêşxistina hevkarîyên di warên enerjîyê yên bi vî welatî ra a,ade ye.
Hakan Fîdan Wezîrê Karên Derve yê Tirkîyê jî di vê civîna çapemenîyê da got: Divê derîyên sînorî bên zêdekirin. Me çandeke hevpar heye û di asteke bilind da em bi hev ra ticaretê dikin. Em çaverêyê vekirina konsulxana Îranê li Wanê ne.
Eraqçî di vê civîna çapemenîyê da amajeyî mijara têkoşîna dijî terorîsmê jî kir u got: Îran tevî piştgirîya ji jiçekirina PKKê û pêkhatina Tirkîya bêyî terorîsmê, pêgirîyê ser jiçekirina hemî komên terorîst kir. Eraqçî herwiha pêgirî ser pêwîstîya sekinandina qirrkirina gelê Filistînê kir û got: Êrişên vê dawîyê yên Rejîma Sîyonîst ser Sûrîye u Libnanê nîşan didin ku vê rejîmê planên mezintir ji bo alozkirina rewşa navçeyê heye û pêgirî kir ku gefa herî mezin li dijî Sûrîyê ji hêla vê rejîmê û dagirkerîya vê rejîmê va ye. Hakan Fîdan Wezîrê Karên Derve yê Tirkîyê derbara agirbesa li Xezzeyê da jî got: Em dixwazin ku agirbes li Xezzeyê were domandin û êrişên ser vê herêmê bên sekinandin u divê bi saya hewlên navdewletî bi merema dabînkirina ewlehîya herêmê, sîyasetên zêdexwazîyê yên Rejîma Sîyonîst li Libnan, Sûrîye, rexê rojavaya çemê Urdinê û Xezzeyê bên sekinandin.
