SAHAR

Berdevkê wezareta karên derve ya Îranê got: Karê sê welatên ewrûpî ji bo vegerandina biryarnameyên îbtalbûyî yên dijî Îranê, guhdarîkirina fermana aliyê binpêkirê Lihevkirina Navokî ye.

Îsmaîl Beqayî, berdevkê wezareta karên derve ya Îranê di peyamekî li tora civakî ya X`ê de, serxwebûn û hitbara sê welatên ewrûpî wekî aliyên muzakireyê, xiste ber pirsan û nivîsî: Karê sê welatên ewrûpî ji bo vegerandina biryarnameyên îbtalbûyî yên dijî Îranê, anegorî hin pirensîpan e ku li ser bingeha wan pirensîpan her kesê zor hebe, heq e û aliyê ku qayîde û qiraran zêdetii binpê dike, dikare qayîde û qirarên zêdetir kivş bike.

Wezareta karên derve ya Rûsiyê jî biryara tiroîkaya ewrûpî ya ji bo sepandina dubare ya boykotên dijî Îranê bi tundî şermezar kir û li ser pêwîstiya ji nû ve destpêkirina gotûbêja kêrhatî ya di navbera hemû aliyan ji bo xwedûrgirtina ji qeyrana nû ya li ser Bernama Navokî ya Îranê pêgîrî kir û daxwaza venihêrîna li sepandina dubare ya boykotên dijî Îranê kir.

Kaya Kalas, Berpirsa siyaseta derve ya YE`yê, wek berteka li hember kiryara tiroîkaya ewrûpî ya ji bo çalakirina mêkanîsma vegerandina boykotan got: Ez bibiryar im ku wekî hevdengkirê komîsyona hevpar a Lihevkirina Navokî, hemû hewla xwe bona hêsankirina pêvajoya dîplomatîk û gihîştina li rêçareyekî ku têkildarî Bernama Navokî ya Îranê, li ser hatiye gotûbêjkirin, bi kar bînim.