Hevdîtina Serokomarê Îranê û Serokwezîrê Iraqê
Serokê Komara Îslamî a Îranê îro bi Mihemed Şiya El-Sûdanî Serokwezîrê Iraqê re hevdîtin û gotûbêj kir.
Di vê hevdîtinê de her du alî ser peywendiyên dualî yên Îran û Iraqê û her wiha mijarên navçeyî bi taybetî rawestana li ber komên terorîstî û alûgurên Sûriyê gotûbêj kirin.
Serokomarê Îranê û Serokwezîrê Iraqê pişt re li civîna çapemeniyê ya hevpar de amade bûn.Serokomarê Îranê peywendiyên li gel Iraqê stratejîk da zanîn û got ku her du welatan îradeyek pir baş jibo hevkariya di hemû waran de hene.Serokê Komara Îslamî ya Îranê her wiha bal kişande ser vê yekê ku her du welatan f fiukarên hevpar li bara Sûriyê hene û got: îstiqrar û aramiya Sûriyê, parastina yekparçeyiya axê ya Sûriyê, şerê li himberî komên têrorîst, pêwîstiya derketina Rejîma Siyonîst ji navçeyên dagîrkirî û berçavgirtina hestên olî, bi taybetî derbarê tirbên pîroz ên şîeyan , ji van fukaran in.
Serokwezîrê Îraqê Mihemed Şiya Sûdanî di vê civîna rojnamevanî de peywendiyên navbera Îraq û Îranê herîbaş û taybet wesif kir û ser dewama hevkariyên aborî yên digel Têhranê tekez kir.Serokwezîrê Iraqê got ku tenha rêya bidawîanîna şerê li Xezzeyê diyarîkirina mafê çarenivîsê ji aliyê gelê Filistînê bi xwe ye û ser piştgiriya Iraqê ji berdewamiya agirbesa li Xezzeyê tekez kir.
