Qerîbabadî daxwaza lêkolînê ji Rêxistina Qedexetiya Çekên Kîmyawî derbarê cinayetên Îsraîlê kir
Alîkarê karûbarê Hiqûqê û navneteweyî yê wezareta karên derve ya Îranê li hevdîtina bi rêvebirê giştî yê Rêxistina Qedexetiya Çekên Kîmyawî li Laheya Holandayê tevî hişyariya derbarê bikaranîna çekên kîmyawî û çekên din ên qedexekirî ji aliyê Rejîma Siyonîst ve li Filistîn û Lubnanê daxwaza lêkolîn û şopandina alûgurên têkildar ji aliyê vê rêxistinê ve kir.
Kazim Qerîbabadî, alîkarê karûbarê hiqûqê û navneteweyî yê Wezareta karên derve ya Îranê îro çarşemiyê li hevdîtina bi Fernando Aryas Rêveberê Giştî yê Rêxistina Qedexekirina Çekên Kîmyawî li Laheyê, bal kişand ser boykotên yekalî û neqanî yên Amerîkayê û binpêkirina eşkere ya xalên konvansiyonê ji aliyê wî welatî ve û daxwaza dewam û xurtkirina hewlên birêveberê giştî bo gihandina derman û kelûpelên pizîşkî yên pêdivî bo canbazên kîmyawî kir.
Aryas jî bi destxweşiya ji hevkariya çalak a Komara Îslamî ya Îranê li civîn û gotûbêjên Rêxistina Qedexekirina Çekên Kîmyawî û şirovekirina kiryarên xwe jibo hêsankirina şandina derman û kelûpelên pizîşkî bo canbazên kîmyawî, daxwaza dewama piştgiriya Îranê ji erkdarî û xebatên vê rêxistinê kir.
